Kandidati i koalicionit “VLEN” për president të Maqedonisë së Veriut, Arben Taravari, ndonëse humbi zgjedhjet presidenciale me një diferencë rreth 40 mijë vota nga kandidati i “Frontit Evropian”, Bujar Osmani, megjithatë ka paralajmëruar se nuk do të tërhiqet.
Me anë të një postimi në Facebook, shkurtimisht e qartë, Taravari bëri të ditur se do të vazhdojë betejën për garën parlamentare, e cila do të zhvillohet më tetë maj.
“Mirëdita! Vazhdojmë”, shkroi Taravari.
Ky reagim i tij vjen pas numërimit të gati 100 për qind të votave totale.
Ndryshe, me 99,85 për qind të votave të numëruara, Osmani ka grumbulluar plot 120 mijë e 903 vota, apo 13,36 për qind, ndërsa Taravari 83 mijë e 306 vota, apo 9,21 për qind.