Kryetari i Aleancës për Shqiptarët, Arben Taravari, sot zyrtarisht shpalli kandidaturën e tij për president të Maqedonisë së Veriut, duke nënvizuar se ka ardhur koha për president shqiptar të vërtetë dhe jo teknik.
Kështu tha ai gjatë një vizite në Gostivar, teksa ka theksuar se ndryshimi tashmë ka filluar.
“Me propozim të ASH-së dhe mbështetjes së Lëvizjes Europiane për Ndryshim (LEN), unë sot jam këtu për të shpallur kandidaturën për president të shtetit…Unë besoj se kjo ditë është ditë e duhur për t’ia filluar. Jam i sigurt në përkrahjen tuaj, pres me respekt votën e çdonjërit prej jush. Vendit i ka ardhur koha që të ketë një president shqiptar, por jo teknikisht. Ndryshimi ka filluar dhe kjo tani po shihet”, tha Taravari, shkruan AlsatM.
Zgjedhjet në Maqedoni të Veriut mbahen më 8 maj.
Aktualisht, president i Maqedonisë së Veriut është Stevo Pendarovski.