Kampi ndërkombëtar që po mbahet në Golem të Shqipërisë po udhëhiqet nga trajneri i xhudos, Driton Kuka.
Në Golem po marrin pjesë edhe tri të artat Olimpike, trajnerja Majlinda Kelmendi dhe garueset Nora Gjakova e Distria Krasniqi.
Në këtë Kamp po marrin pjesë mbi 100 garues nga afro 15 shtete pjesëmarrëse.
Ky Kamp, siç shkruan Federata e Xhudos e Kosovës, në rrjetin social Facebook është një përgatitje para garës Masters që do të mbahet në Jeruzalem të Izraelit me datë 20-21 dhjetor 2022.
Federata e Xhudos ndër të tjera, ka shtuar se stërvitjet po kalojnë mirë dhe pa lëndime.
Ndërkaq, garuesit në këtë kamp janë nga këto shtete: Kosova, Shqipëria, Zvicra, Finlanda, Italia, Hungaria, Kroacia, Sllovenia, Greqia, Bosnja e Hercegovina, Azerbajxhani, Turqia, Spanja, Bullgaria dhe Çekia.