Të enjten mbahet protestë për vdekjen tragjike të fëmijës në Himarë

Gjatë së martës së 2 gushtit, një fëmijë në Himarë është goditur për vdekje nga një skaf rreth orës 14:00, në Plazhin e Potamit. Fronti për Shpëtimin Kombëtar ka bërë të ditur se këtë të enjte do të mbahet protestë për rastin në Himarë. Në këtë protestë kërkohet dorëheqja e ministrit të Brendshëm, Bledi Çuçi dhe ministres së Turizmit, Mirela Kumbaro

Thirrja e Frontit për Shpëtimin Kombëtar për mbajtjen e protestës më 4 gusht

Të martën e 2 gushtit në Himarë të Vlorës ka humbur jetën një fëmijë rreth moshës 7-vjeçare, pasi është goditur nga një skaf rreth orës 14:00 në Plazhin e Potamit.

Fëmija ishte duke u larë në det, aty është përplasur nga pjesa ballore e gomones dhe më pas trupi i tij është prerë nga helikat.

Drejtuesi i skafit është shefi i policimit në komunitet në Elbasan, i identifikuar si Arjan Tase. Ai është shoqëruar në polici ku drejtuesi i prokurorisë, Aurel Zarka ka urdhëruar arrestimin e tij.

Gjatë këtij sezoni veror ka pasur edhe raste të tjera të tilla, ku kanë humbur jetën dhe janë plagosur persona, si pasojë e mjeteve lundruese që humbin kontrollin.

Fronti për Shpëtimin Kombëtar ka bërë të ditur protestën për ngjarjen në Himarë, e cila do të mbahet këtë të enjte.

Zyra e shtypit e Partisë Demokratike ka njoftuar se protesta do të mbahet para Ministrisë së Brendshme në orën 19:00. Protestuesit do të kërkojnë dorëheqjen e ministrit të Brendshëm, Bledi Çuçi dhe ministres së Turizmit, Mirela Kumbaro.

“Tragjedia në Himarë, Fronti për Shpëtimin Kombëtar thërret protestë të enjten, 4 Gusht, ora 19:00 para Ministrisë së Brendshme. Kërkesë për dorëheqjen e ministrit të Brendshëm, Bledi Çuçi dhe ministres së Turizmit, Mirela Kumbaro”, thuhet në njoftim.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika