Të enjten përurohet Abetarja e përbashkët Kosovë-Shqipëri

Drejtuesit e institucioneve të larta të Kosovës dhe Shqipërisë, të enjten do të takohen në qytetin e Gjakovës, për të promovuar Abetaren e përbashkët

Ilustrim, Foto:REL

Të enjten e një shtatorit, në Gjakovë do të organizohet ceremonia e përurimit të Abetares së përbashkët Kosovë-Shqipëri, me të cilën nga ky vit i ri shkollor do të mësojnë të gjithë fëmijët shqiptarë.

Në këtë ngjarje, pjesëmarrëse do të jetë ministrja e Arsimit, Shkencës, Teknologjisë dhe Inovacionit, Arbërie Nagavci.

Pos saj, pjesë e ceremonisë do të jetë edhe ministrja e Arsimit në Shqipëri, Elvis Kushi.

Abetarja e përbashkët
Fletorja e Punës

Ndryshe, të mërkurën e 31 gushtit, MASHTI ka bërë të ditur se janë bërë të gjitha përgatitjet për fillimin e vitit të ri shkollor 2022/2023.

Nagavci, në një konferencë për media u kërkoi punëtorëve të arsimit që të ndërpresin grevën.

“Jemi informuar se të gjitha shkollat kanë bërë përgatitjet e duhura për fillimin e procesit mësimor. Të gjithë janë deklaruar për rëndësinë e fillimit të vitit të ri shkollor më 1 shator. Pres dhe kërkoj që të mos ketë grevë në sektorin e arsimit. Fëmijët e presin fillimin e vitit shkollor”, ka thënë ministrja.

Ministrja e Arsimit, Arbërie Nagavci

Teksa nga MASHTI është thënë se përgatitjet për nisjen e vitit të ri shkollor janë kryer të gjitha, mësimdhënësit me kërkesë të Sindikatës së Bashkuar të Arsimit she Shkencës po vazhdojnë të jenë në grevë.

Kërkesë kryesore është ndarja e nga 100 eurove për punëtorët, derisa të hyjë në fuqi Projektligji për pagat.

Ymer Ymeri nga SBASHK-u, ka deklaruar se të gjitha shkollat përfshirë edhe çerdhet në Kosovë do të vazhdojnë me grevën e paralajmëruar.

Po ashtu, ai ka thënë se greva nuk do të jetë vetëm më 1 shtator, por do të vazhdojë edhe në ditët në vijim.

“Ashtu siç sot kemi lajmëruar në konferencën për shtyp, greva vazhdon edhe në ditën e nesërme edhe në ditët ne vijim derisa të gjendet një zgjidhje e pranueshme, pra, deri në plotësimin e kërkesave tona”, ka deklaruar Ymeri.

Ymeri në emisionin “FIVE” në Rtv Dukagjini, ka thënë se mund të ketë përjashtime të grevës në disa shkolla, por sipas të dhënave të tyre, në grevë do të përfshihen të gjitha shkollat.

“Kjo domethënë që nesër në të gjitha shkollat ka grevë, por mund të ketë ndonjë përjashtim, dhe sipas të dhënave tona, të gjitha shkollat në nivel të Kosovës, përfshirë edhe çerdhet, do të jenë në grevë”, është shprehur ai.

Sipas tij, të gjithë mësimdhënësit, anëtarë të Sindikatës nuk do të jenë në shkolla.

Shtëpia botuese “Dukagjini” prezanton abetaren e përbashkët mbarëkombëtare

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika