Kryesia e Kuvendit të Kosovës, të hënën e tre tetorit duke filluar nga ora 10:00, do të mblidhet për të diskutuar mbi pikat e papërfunduara nga disa seanca.

Në rend dite do të jetë edhe propozimi i rendit të ditës për seancën plenare të radhës dhe  shqyrtimi i propozimeve dhe i kërkesave.

Si pikë e rendit të ditës është interpelanca me ministrin e Financave, Hekuran Murati, për çështjen “Cenimi i të drejtave të punëtorëve në administratën shtetërore me ndalimin e pagave, si dhe presioni mbi pushtetin lokal, ndërhyrja në autonominë e komunave”.

Pikat e tjera në rend dite janë,

  • Shqyrtimi i Rekomandimeve lidhur me Raportin e auditimit për pasqyrat financiare të Ministrisë së Shëndetësisë për vitin 2021,
  • Shqyrtimi i Rekomandimeve lidhur me Raportin e auditimit për pasqyrat financiare të Shërbimit Spitalor Klinik dhe Universitar të Kosovës për vitin 2021,
  • Shqyrtimi i Propozim-rezolutës për gjendjen në sektorin e shëndetësisë.

Ndërsa, duke filluar në ora 11:00, Kuvendi i Kosovës do të vazhdojë me seancë.