Komuna e Istogut ka njoftuar se të hënën e 21 nëntorit në këtë qytet nuk do të mbahet mësimi si shkak i vërshimeve të së dielës.
Shkolla në të cilat nuk do të mbahet mësimi janë: Gjimnazi “Haxhi Zeka” Istog, SHFMU “Bajram Curri” në Istog, Kopshti i Fëmijëve “Gëzimi Ynë” në Istog dhe SHFMU “Ndre Mjeda” në Rakosh.
“Si pasojë e reshjeve të mëdha të shiut në Istog është vështirësuar qarkullimi dhe për shkak të rrezikut që paraqet kalimi i nxënësve në ato rrugë mësimi nuk do të mbahet”, thuhet në njoftimin e komunës.
Ndërkaq në të gjitha shkollat e tjera mësimi do të zhvillohet normalisht.
Ndryshe të dielën e 20 nëntorit reshjet e mëdha të shiut kanë shkaktuar vërshime në të gjithë vendin, ndërsa qytetet më të prekura janë të Zonës së Dukagjinit.