Të martën, paraqitet deklarata e mbrojtjes së Salih Mustafës në Hagë

Dy dëshmitarë në rastin e Salih Mustafës pritet të dëgjohen në janar 2022 - Bota SotMbrojtja e ish-pjesëtarit të Ushtrisë Çlirimtare të Kosovës, Salih Mustafa, do të paraqesë nesër deklaratën hyrëse para trupit gjykues në Hagë.

Kjo shënon fillimin e çështjes së mbrojtjes, e cila, më tutje, do të vazhdojë me provat dhe dëgjimin e 17 dëshmitarëve.

Ndërsa, sipas gjykatës, para Dhomave të Specializuara të Kosovës në Hagë në seancën e sotme, do të paraqitet një viktimë të cilën trupi gjykues ka marrë vendim që ta dëgjojë, me kërkesë të avokates së viktimës.

Gjithashtu, trupi gjykues ka vendosur që pas kësaj, mbrojtësja e viktimave të mund të bëjë parashtrime të pyetjeve rreth rastit.

Më 23 mars është caktuar të dëgjohet dëshmitari i parë i mbrojtjes, ndërsa trupi gjykues i ka lënë avokatit 36 orë në dispozicion për të marrë në pyetje 17 dëshmitarët e paraparë.

Fillimi i çështjes së mbrojtjes vjen pasi Zyra e Prokurorit të Specializuar e ka përfunduar çështjen e saj.

Aktakuza ndaj Salih Mustafës, i cili është i arrestuari i parë nga Specialja, është konfirmuar më 12 qershor të vitit 2020, ndërsa ai është arrestuar më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.

Shija e redaktorit

Ndahen 8 milion euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milion euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika