“Të mbyturit dhe të shpëtuarit” u promovua edhe në Tiranë

Me 8 shkurt është promovuar në Tiranë libri “Të mbyturit dhe të shpëtuarit” i autorit Primo Levi

Më 8 shkurt në Tiranë është promovuar libri “Të mbyturit dhe të shpëtuarit” i autorit Primo Levi.

Libri “Të mbyturit dhe të shpëtuarit” është libër me ese, i shkruar nga autori italian me origjinë hebreje, Primo Levi, një prej të mbijetuarve të kampeve naziste të përqendrimit.

Në tetë esetë e këtij libri, Levi analizon me kthjelltësi, duke rikujtuar përjetimet e tij të dhunës fizike e psikologjike, universin e kampeve të përqendrimit.

Në njëri nga kapitujt kryesorë, të titulluar “Zona gri”, ai shpjegon se kufiri mes xhelatëve dhe viktimave nuk është aq i qartë.

Libri pasqyron korrupsionin ekonomik, zvetënimin moral të të burgosurve dhe natyrën e brishtë të qenies njerëzore.

Drejtori i Institutit Italian të Kulturës në Tiranë, Alessandro Ruggera, ka përshëndetur dhe falënderuar të pranishmit në promovimin e veprës.

Në këtë promovim në panel ishin: përkthyesja Aida Baro, Fabio Levi, president i Qendrës Ndërkombëtare të Studimeve, Primo Levi, Nevila Nika, historiane, Elsa Demo, gazetare, dhe u moderua nga Liridona Bytyçi nga Shtëpia Botuese “Dukagjini”.

Fabio Levi e cilësoi librin e Primo Levit si sprovë reflektive të tij dhe, sipas tij, një ndër burimet e këtij libri janë pyetjet e vazhdueshme të studentëve që ai i kishte marrë. Kurse përkthyesja Aida Baro shpjegoi se gjatë përkthimit të kësaj eseje të gjatë me 8 ndarje, është munduar ta transmetojë sa më mirë në shqipen, ndonëse ka qenë sfidues si proces.

Gazetarja e studiuesja, Elsa Demo, bëri përqasje mes Levit dhe autorëve shqiptarë, të cilët dëshmuan krimet e diktaturës në Shqipëri, dhe Nevila Nika theksoi rëndësinë e botimeve të tilla për kujtimin e këtyre ngjarjeve.

“Për mbështetjen e këtij botimi falënderojmë Ministrinë e Kulturës, Rinisë dhe Sportit të Kosovës dhe Ministrinë Italiane të Punëve të Jashtme dhe të Bashkëpunimit Ndërkombëtar për kontributin e tyre, që e bënë të mundshëm botimin e këtij libri në shqip”.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika