Të mërkurën, Gërvalla do të përfaqësojë Kosovën në Këshillin e Sigurimit

Ministrja e Punëve të Jashtme, Donika Gërvalla, do të jetë pjesëmarrëse në Këshillin e Sigurimit të Organizatës së Kombeve të Bashkuara

Ministrja e Punëve të Jashtme, Donika Gërvalla

Ministrja e Punëve të Jashtme, Donika Gërvalla, të mërkurën e 20 prillit, do ta përfaqësojë Kosovën në Këshillin e Sigurimit të Organizatës së Kombeve të Bashkuara.

Në njoftimin e ministrisë thuhet se ministrja Gërvalla pritet të flasë rreth progresit të arritur në vend, qasjes së Serbisë dhe rreziqeve që i kanosen rajonit pas agresionit ushtarak të Federatës Ruse në Ukrainë.

“Kosova në këtë takim përfaqësohet nga zëvendëskryeministrja dhe ministrja e Punëve të Jashtme dhe Diasporës, Donika Gërvalla”, thuhet në njoftim.

Këshilli do të mblidhet pasditen e së mërkurës në New York, për të shqyrtuar raportin e radhës së Sekretarit të Përgjithshëm të OKB-së, Antonie Guterres rreth punës së UNMIK-ut.

Ministrja e Punëve të Jashtme, Donika Gërvalla

Sipas njoftimit, në këtë takim do të marrë pjesë edhe Republika e Shqipërisë, e cila që nga janari i këtij viti është zgjedhur për herë të parë anëtare jo e përhershme në Këshillin e Sigurimit të OKB-së, për periudhën kohore 2022-2023.

Ndryshe, Gërvalla, më 13 prill është takuar me zyrtarë të një delegacion grekë të kryesuar nga zëvendësministri i Punëve të Jashtme për Diplomaci Ekonomike i Greqisë, Kostas Fragogiannis ku kishin diskutuar për rreziqet që mund të ketë rajoni nga agresioni ushtarak rus ndaj Ukrainës.

“Gërvalla theksoi se përkrahja e vazhdueshme e Serbisë ndaj aleatit të saj, Rusisë, edhe në këtë rast, kërkon një mesazh dhe pozicionim të qartë të BE-së”, thuhej në njoftimin e MPJ-së.

Ndërsa, më 25 shkurt, pas agresionit rus në Ukrainë, Qeveria e Kosovës kishte vendosur sanksione kundër Rusisë, duke iu bashkuar kështu shteteve perëndimore.

Kryeministri i Kosovës, Albin Kurti, kishte thënë se këto sanksione janë marrë duke iu bashkëngjitur vendeve partnerë, si Shtetet e Bashkuara të Amerikës (SHBA) dhe Bashkimi Evropian (BE).

Po ashtu, Kurti pati bërë me dije se kjo nuk është hera e parë që Kosova i vë sanksione Rusisë.

Ndërkaq, në një takim të Këshillit të Sigurimit të mbajtur më 31 janar të këtij viti si Shtetet e Bashkuara të Amerikës ashtu edhe Rusia ishin shprehur se donin të shmangin luftën, duke fajësuan njëra – tjetrën për nxitjen e tensionit.

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika