Të paktën 12 të vdekur dhe dhjetëra të zhdukur nga përmbytjet në Afganistan

Sipas një zëdhënësi të telebanëve dhe zyrtarëve lokalë, nga përmbytjet e mëdha në Afganistan kanë humbur jetën të paktën 12 persona dhe dhjetëra të tjerë janë të zhdukur

Pamje nga përmbytjet në Afganistan. Foto: Sharifullah Sharafat (Courtesy Photo)

Sipas një zëdhënësi të telebanëve dhe zyrtarëve lokalë, nga përmbytjet e mëdha në Afganistan kanë humbur jetën të paktën 12 persona dhe dhjetëra të tjerë janë të zhdukur.

Zëdhënësi i qeverisë, Zabihullah Mujahid, ka thënë të dielën se rreth 40 njerëz janë të zhdukur pas përmbytjeve të shpejta të shtunën vonë mbrëma në rrethin Jalrez të provincës Maidan Wardak, në perëndim të Kabulit.

Ai ka thënë se të gjitha autoritetet përkatëse janë urdhëruar që të ofrojnë ndihmën e nevojshme për njerëzit në zonat e prekura.

Zyra e guvernatorit të provincës në një deklaratë ka thënë se qindra shtëpi janë ose të dëmtuara ose të shkatërruara dhe njerëzit e zhdukur besohet se janë nën rrënojat e shtëpive të shembura.

Në deklaratë thuhet gjithashtu se qindra hektarë tokë bujqësore janë shkatërruar dhe autostrada midis kryeqytetit Kabul dhe provincës qendrore Bamiyan është gjithashtu e mbyllur për shkak të përmbytjeve, raporton NPR

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika