Të paktën 12 persona janë plagosur në një sulm nga një burrë pranë kryeqytetit të Koresë së Jugut, Seul.
Nëntë persona u goditën me thikë në vend, ndërsa pesë të tjerë u plagosën pasi i dyshuari futi një makinë në vendkalimin e këmbësorëve përpara sulmit me thikë, ka thënë anëtari i qeverisë së provincës Gyeonggi, Lee Ki-in në një deklaratë në Facebook.
Incidenti ndodhi pranë një stacion metroje, në qytetin e udhëtarëve të Seongnam të enjten.
Një burrë rreth të 20-ave u arrestua në vendngjarje, por motivi është i paqartë, raporton BBC.
Të gjithë të plagosurit u dërguan në spital me disa që thuhet se janë lënduar rëndë.
Mediat lokale e përshkruan sulmin si një “tërbim” dhe komisioneri i policisë kombëtare të vendit e përshkroi atë si një sulm “pa dallim”.
Incidenti vjen gati dy javë pas një goditjeje me thikë në Seul. Një person kishte mbetur i vrarë dhe tre të tjerë ishin plagosur.
Pavarësisht kësaj, incidentet e dhunshme janë relativisht të rralla në Korenë e Jugut.