Të paktën 14 persona kanë vdekur dhe 31 të tjerë janë plagosur në një aksident trafiku në Meksikë, ku një autobus raportohet se është përmbysur.
Autobusi u përmbys në autostradën El Capulin-Chalma në periferi të kryeqytetit të dielën.
Pamjet nga vendi i ngjarjes treguan një autobus të madh të bardhë të rrotulluar duke bllokuar rrugën.
Siç raportohet nga mediet lokale, të plagosurit thuhet se u dërguan në spital me “kod të kuq”, që do të thotë se numri i të vdekurve mund të rritet.
Pasagjerët në autobus po udhëtonin nga Guanajuato për në shenjtëroren e Chalma për arsye fetare.
Aksidentet rrugore janë të zakonshme dhe kanë qenë në rritje në Meksikë që nga viti 2020.
Ky aksident me fatalitet vjen pasi 10 persona, përfshirë katër të mitur, vdiqën në një aksident tjetër në shtetin veri-qendror të San Luis Potosi më 24 shkurt.
Të shtunën, tre emigrantë u vranë pasi një kamion i goditi ata teksa po ecnin në shtetin jugor të Oaxaca-s.
Raportohet se shoferi është ende në arrati.