Të paktën 15 pasagjerë autobusi kanë vdekur në një aksident në shtetin verilindor brazilian Pernambuco, në rrethana të paqarta, ka bërë të ditur sot policia.
Tragjedia ndodhi vonë mbrëmë kur shoferi i një autobusi që transportonte 30 persona humbi kontrollin e automjetit.
Sipas Policisë Federale të Rrugës, autobusi kaloi në korsinë e kundërt, goditi shkëmbinjtë në anë të rrugës dhe u përmbys.
Sipas informacioneve të njohura deri më tani, 11 gra dhe katër burra janë midis viktimave. Numri i të plagosurve nuk është konfirmuar ende.
Shoferi u lëndua lehtë dhe rezultoi negativ në testin për alkool. Ai është aktualisht në paraburgim policor.
“Disa pasagjerë ranë nga automjeti, duke treguar se ata nuk kishin vendosur rripa sigurie,” tha policia./KP