Të paktën 40 persona janë vrarë gjatë natës nga sulmet ajrore të ushtrisë izraelite në Rripin e Gazës, sipas burimeve spitalore.
Sulmet kanë goditur të paktën nëntë zona të ndryshme në pjesën jugore të Gazës. Raportet nga terreni flasin për të paktën 36 trupa të dërguar në spitale në jug.
Ndërkohë, në pjesën veriore të territorit, Izraeli ka urdhëruar evakuimin e banorëve nga disa pjesë të qytetit të Gazës, duke paralajmëruar një ofensivë të re “me forcë intensive”.
Këto zhvillime ndodhin në kohën kur bllokada izraelite ndaj ndihmave humanitare në Gaza vazhdon.
Prej 10 javësh nuk është lejuar asnjë furnizim i jashtëm në enklavë.
Lufta në Gaza nisi më 7 tetor, kur Hamasi kreu një sulm të përgjakshëm ndaj Izraelit, duke vrarë të paktën 1.200 persona dhe duke marrë peng 251 të tjerë.
Që nga ajo ditë, ofensiva ushtarake izraelite ka shkaktuar vdekjen e të paktën 52,829 personave në Gaza, sipas Ministrisë së Shëndetësisë së kontrolluar nga Hamasi./BBC