Së paku 41 persona kanë humbur jetën nga përmbytjet dhe rrëshqitjet e dheut të shkaktuara nga shirat e dendur në Indinë veriore, sipas autoriteteve lokale.
Siç raporton CNN, tridhjetë e një persona kanë vdekur në Himachal Pradesh, u tha gazetarëve të martën kryeministri i shtetit Sukhvinder Singh Sukhu, ndërsa 10 të tjerë kanë vdekur në Punjab fqinj, tha ministri i të Ardhurave Brahm Shankar Jimpa për agjencinë indiane të lajmeve ANI.
Sukhu tha se gjashtë helikopterë ishin vendosur dhe deri më tani mbi dy mijë njerëz janë evakuuar.
Ekipet e rrethit janë në vend duke koordinuar përpjekjet e ndihmës dhe duke punuar për të rihapur rrugët e prekura nga rrëshqitjet e dheut, tha ai në Twitter të mërkurën.
Shira të mëtejshme parashikohen në Himachal Pradesh dhe Punjab, megjithëse Departamenti Meteorologjik Indian thotë se pritet të zbutet.
Delhi të dielën shënoi ditën e korrikut më të lagësht në më shumë se 40 vjet, sipas autoriteteve.
Reshjet detyruan mbylljen e shkollave në të gjithë rajonin në fillim të javës.
Ndërkohë, nivelet e ujit në lumin Yamuna të Delhi kaluan nivelin më të lartë të përmbytjes prej 207.49 metra të mërkurën, për herë të parë që nga viti 1978, me nivele që arritën në 207.55 metra sipas Komisionit Qendror të Ujit.