Nga e premtja e 30 shtatorit, Finlanda do të mbyll kufirin e saj për turistët rusë. Gjithashtu, Polonia, Estonia, Letonia dhe Lituania kanë mbyllur kufijtë e tyre për turistët rusë në fillim të këtij muaji.
Vendimi për mbylljen e kufijve vjen pasi numri i rusëve që mbërrinin në kufi u rrit pas një thirrjeje prej 300 mijë rezervistësh ushtarakë nga presidenti Putin.
Finlanda ka raportuar për një rritje të njerëzve që përpiqen të kalojnë kufirin pas mobilizimit të pjesshëm.
Në një konferencë për shtyp, ministri i Jashtëm finlandez, Pekka Haavisto ka thënë se urdhri i mobilizimit kishte një “ndikim të rëndësishëm” në vendimin e tij, raporton BBC.
Mes tjerash, Haavisto ka shtuar se “Vendimi synon të parandalojë plotësisht situatën aktuale të turizmit rus në Finlandë dhe tranzitin e lidhur përmes Finlandës”. Kjo masë do të hyj në fuqi në mesnatë dhe ndalon rusët me viza turistike Shengen të hyjnë në vend.
Më shumë se një milion rusë kanë udhëtuar në vendet e BE-së që nga pushtimi i Ukrainës në shkurt. Ndërsa, në një lëvizje të veçantë, katër vende të BE-së që kufizojnë Rusinë, Polonia, Estonia, Letonia dhe Lituania kanë vendosur kufizime të reja.