Të premten në tri komuna nuk mbahet mësimi

Qytetet e fshatrat e Kosovës gjatë të enjtes janë përballur me vërshime të mëdha e ujëra të rrëmbyeshëm. Një vështirësi e tillë ka bërë që në komunën e Klinës, Skenderajt e Mitrovicës të pezullohet mësimi për ditën e premte

Pamje nga vërshimet në Skënderaj, foto: RTV Dukagjini

Reshjet e dendura të shiut shkaktuan vërshime në pjesë të shumta të territorit të Kosovës, duke përfshirë nga uji qytete e fshatra të ndryshme.

Zonat më të rrezikuara janë raportuar të jenë komuna e Skenderajt, Klinës e Mitrovicës, e në të cilat gjatë të premtes nuk do të zhvillohet mësimi.

Komuna e parë që ka marrë një vendim të tillë ka qenë Skenderaj, që kryetari Fadil Nura ka shpallur gjendjen e jashtëzakonshme  në mesditën e së enjtes dhe ka pezulluar mësimin në gjithë komunën e Skenderajit për të premten e 20 janarit.

Një vendim të tillë Nura e ka bërë të ditur në emisionin “Magazina” në Radio Dukagjini.

Madje, ekipi i terenit i RTV Dukagjinit gjatë të enjtes nga vendi i ngjarjes ka raportuar se janë thyer dyert e gjimnazit “Hamëz Jashari” dhe është bllokuar nga uji shkolla teknike “Anton Çeta”.

Kështu që, në territorin e komunës së Skenderajit gjatë të premtes së 20 janarit nuk do të mbahet mësim.

Gjithashtu edhe në komununa e Klinës është vështirësuar qarkullimi dhe Drejtoria Komunale e Arsimit, në konsultim me prindërit e drejtorët e shkollave ka vendosut që të premtën në gjitha shkollat e komunës së Klinës të mos mbahet mësimi.

“Duke e parë gjendjen e krijuar si pasojë e reshjeve të vazhdueshme të shiut, ku në disa fshatra qarkullimi është vështirësuar në masë të madhe, Drejtoria Komunale e Arsimit, në konsultim me drejtorë të shkollave dhe prindër, ka vendosur që nesër, ditë e premte, të mos mbahet mësim në shkollat e komunës së Klinës. Vendimi është marrë për shkaqe të sigurisë së nxënësve, ndërsa për hapat tjerë do të informohen drejtorët e shkollave”, thuhet në njoftimin e komunës së Klinës.

Krahas komunës së Klinës dhe asaj të Skenderajt që kanë pezulluar mësimin edhe në Mitrovicë të premten nuk do të mbahet mësimi.

Megjithatë, kjo komunë ka bërë të ditur se dita e humbur e mësimit do të kompensohet në një të shtunë.

“Kjo ditë do të kompensohet një të shtune, për të cilën do të ju informojmë me kohë. Stafi udhëheqës dhe ai teknik i shkollave duhet të jenë në punë, për ta mbikëqyrur situatën dhe për të ndërmarrë masat e nevojshme për përgatitjen e objekteve shkollore, për fillimin e mësimit në ditën e hënë”, thuhet në njoftimin e DKA-së në Mitrovicë.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Të fundit nga rubrika