Të shtëna me armë në Cetinë, më shumë se dhjetë persona të vrarë

Në Cetinë të Malit të Zi, një 34-vjeçar ka vrarë 11 persona në mesin e tyre edhe fëmijë. Autori i këtij sulmi më pas është vrarë nga policia

Fotoilustrim: Vijesti.me

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më pas është vrarë nga policia, siç raporton media malazeze, Vijesti.

Sipas mediave malazeze, 11 persona kanë mbetur të vdekur përfshirë këtu edhe fëmijë.

Vijest duke cituar burime nga policia dhe prokuroria, raporton se gjashtë persona janë lënduar, mes tyre edhe një pjesëtar i policisë.

Katër të plagosurit janë shtruar në spitalin e Cetinës, ndërsa dy të plagosur janë transportuar në Qendrën Klinike në Podgoricë.

Sipas mediave atje është bërë e ditur se sulmuesi vrau të gjithë familjen e tij, e më pas doli në rrugë dhe vrau kalimtarë të rastit, në mesin e tyre edhe fëmijë.

Thuhet se tragjedisë i ka paraprirë një konflikt familjar, pas së cilës sulmuesi ka qëlluar rastësisht kalimtarët në rrugë.

Nga dëshmitarët okularë në vendngjarje mësohet se sulmuesi ka kaluar nëpër lagje dhe ka qëlluar në drejtim të qytetarëve që ndodheshin aty.

Fëmijët që ishin mbledhur në Cetinë në një kamp të rinjve, sipas autoriteve atje kanë qenë të sigurt dhe për asnjë moment nuk kanë qenë të rrezikuar, pavarësisht se sulmi ka ndodhur jo larg vendit ku ata po qëndronin.

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika