Gjatë të shtunës së 28 majit janë dëgjuar të shtëna me armë zjarri në rrugën ”Tahir Sinani’’ në Ferizaj.
Lajmin e ka raportuar Policia Rajonale e Ferizajit.
Në raportin e policisë thuhet se një 35 vjeçar dyshohet se sa ishte duke ecur rrugës, ka shtënë dy herë me armë në ajër.
“Më datën 28.05.2022 rreth orës 19:35 Policia Rajonale e Ferizajt ka pranuar një informatë se në rrugën ”Tahir Sinani” ka gjuajtje me armë zjarri . Patrullat e policisë kanë dalë në vendin e ngjarjes dhe kanë gjetur dy gëzhoja. Nga informatat e para dyshohet se një person i moshës rreth 35 vjeç derisa kishte qenë duke ecur në këmbë kishte nxjerrë një armë nga brezi dhe kishte shtënë dy herë në ajër dhe i njëjti kishte vazhduar në rrugën Tahir Sinani në drejtim të një marketi”, është shkruar në raport.
Policia ka njoftuar se rasti po vazhdon të hetohet.