Asnjëherë më parë nuk kemi qenë në gjendje ta shikojmë universin ashtu siç po na e tregon tani teleskopi më i madh hapësinor, James Webb.
Syri ynë i lirë nuk do të ishte kurrë në gjendje të shihte atë që shikon teleskopi. Duke udhëtuar nëpër dritë dhe hapësirë, James Webb mund të shohë origjinën e universit, diçka që mendja jonë vështirë se mund të fillojë ta kuptojë.
Duke punuar si një makinë kohe, imazhet e para të shpërndara nga ky teleskop i fuqishëm më 12 korrik na treguan galaktika të largëta, vdekjen e yjeve dhe atmosferën e planetëve jashtë sistemit tonë diellor.
Të hënën shkencëtarët e NASA-s kanë publikuar pamje të reja të planetit më të madh të sistemit diellor, duke i përshkruar rezultatet si “mjaft të pabesueshme”.
Imazhet tregojnë aurorat, stuhitë gjigante, hënat dhe unazat që rrethojnë Jupiterin në detaje që astronomët i kanë përshkruar si “të pabesueshme”.
Teleskopi James Webb i bëri fotot në korrik, duke kapur pamje të papara të dritave veriore dhe jugore të Jupiterit dhe mjegullës polare të rrotulluar.
Një fotografi me fushë të gjerë është veçanërisht dramatike, duke treguar unazat e zbehta rreth planetit, si dhe dy hëna të vogla kundër një sfondi vezullues galaktikash.
Giant news from a giant planet!@NASAWebb captured a new view of Jupiter in infrared light, uncovering clues to the planet’s inner life. Two moons, rings, and distant galaxies are visible. Get the details: https://t.co/6WKbAQY78z pic.twitter.com/9uaACCPGyU
— NASA (@NASA) August 22, 2022
“Nuk e kemi parë kurrë Jupiterin si ky. Është e gjitha e pabesueshme,” ka thënë në një deklaratë astronomi planetar Imke de Pater, nga Universiteti i Kalifornisë, Berkeley, i cili ndihmoi në udhëheqjen e vëzhgimeve, raporton The Guardian, transmeton Dukagjini.
“Të jem i sinqertë, ne nuk e kishim pritur me të vërtetë që të ishte kaq mirë,” ka shtuar ai në një deklaratë.
Imazhet infra të kuqe u ngjyrosën artificialisht në blu, të bardhë, jeshile, të verdhë dhe portokalli, sipas ekipit hulumtues amerikano-francez, për t’i bërë veçoritë të dalloheshin. Kjo është për shkak se drita infra tç kuqe është e padukshme për syrin e njeriut.
Imazhet e fundit vijnë vetëm disa javë pasi një grup tjetër imazhesh të kapura nga ekipi i James Webb na tregoi Galaktikën Cartwheel në më shumë thellësi, duke na dërguar një hap më tej në kuptimin tonë të universit duke na treguar se çfarë ndodh pas përplasjes së dy galaktikave.
Pasardhësi i NASA-s dhe i Agjencisë Evropiane të Hapësirës prej miliardë euro, i teleskopit hapësinor Hubble u largua me raketa në fund të vitit të kaluar dhe ka vëzhguar kozmosin në infra të kuqe që nga vera.
Shkencëtarët shpresojnë të shohin agimin e universit me Webb, duke parë deri në kohën kur yjet dhe galaktikat e para po formoheshin 13.7 miliardë vjet më parë.
Observatori ndodhet 1.6 milion kilometra larg Tokës.
Zbulohet imazhi i parë me ngjyra të plota nga thellësia e universit