Ministria e Jashtme e Rusisë njoftoi të enjten se ka dëbuar një diplomat gjerman, si kundërpërgjigje ndaj asaj që e cilësoi si dëbim të pabazuar nga Berlini të një diplomati rus, i akuzuar për spiunazh në muajin janar.
Në një deklaratë zyrtare, ministria tha se akuzat e Gjermanisë se diplomati rus ishte përfshirë në veprimtari spiunazhi janë të fabrikuara dhe përbëjnë një provokim, shkruan Reuters, transmeton Dukagjini.
Gjermania në janar njoftoi dëbimin e një anëtari të shërbimit diplomatik rus sepse personi në fjalë po kryente spiunazh.
“Qeveria gjermane nuk toleron spiunazhin në Gjermani, veçanërisht jo nën maskën e kapacitetit diplomatik”, tha Ministria e Jashtme gjermane në një deklaratë të postuar në platformën X.