Ballkani ka regjistruar një tjetër sukses historik duke fituar për herë të parë Superkupën e Kosovës.
Ndeshja e zhvilluar të shtunën e 21 janarit po mbyllej me rezultat 0-1, gol të cilin e shënoi në minutën e 62-të të ndeshjes Lumbardh Dellova.
Megjithatë, fundi i ndeshjes ishte plotë me tensione që u zhvilluan në fushë.
Pati përleshje mes lojtarëve, është dashur edhe ndihma e stafeve të të dyja skuadrave në mënyrë që personat të largohen nga përleshja.
E gjithë situata doli jashtë kontrollit pas një dueli që Francisco Rivera e pati me Lumbardh Dellovën në mesfushë.
Rivera, siç shihej në transmetim të drejtpërdrejtë, e ka goditur fillimisht në gjoks Dellovën, e më pas kanë ndërhyrë lojtarët e tjerë dhe banka rezervë për të qetësuar situatën.
Tensioni në fushë mes lojtarëve ndodhi në minutën e 93-të të ndeshjes.