Tensionet Kosovë-Serbi, temë diskutimi në Asamblenë Parlamentare të Këshillit të Evropës

Të hënën e 23 janarit, në Asamblenë Parlamentare të Këshillit të Evropës do të diskutohet për tensionet në mes të Kosovës dhe Serbisë

Këshilli i Evropës, të hënën e 23 janarit do të diskutojë për tensionet e fundit në mes të Kosovës dhe Serbisë, thuhet në njoftimin e lëshuar nga Asambleja Parlamentare e Këshillit të Evropës.

Diskutimi për tensionet mes Kosovës dhe Serbisë do të bëhet në kuadër të sesionit dimëror të kësaj asambleje.

“Ka pasur gjithashtu kërkesa për një debat urgjent mbi “Sulmet kundër punonjësve të shërbimit publik”, dhe për debate për çështjet aktuale mbi “Tensionet e fundit midis Prishtinës dhe Beogradit””, thuhet në njoftim.

Ky diskutim do të fillojë nga ora 11:00, ndërsa tema për të cilën do të diskutohet janë aspektet ligjore të të drejtave të njeriut dhe agresionit të Rusisë ndaj Ukrainës.

Në këtë sesion, i cili do të zgjasë deri më 27 janar të vitit 2023, do të mbajë fjalim kryeministrja e Islandës Katrin Jakobsdóttir dhe ministrja e Jashtme gjermane, Annalena Baerbock.

Fokus i sesionit do të jetë edhe tema e cila prek luftën kundër grave, me një debat të parë mbi dhunën seksuale të lidhur me konfliktin.

“Dhe një debat të dytë të përbashkët mbi Konventën e Stambollit, mbi rolin dhe përgjegjësinë e burrave dhe djemve në ndalimin e dhunës me bazë gjinore kundër grave dhe vajzave, dhe në gjetjen e zgjidhjeve për robërinë martesore”, vijon njoftimi.

Ndikimi mjedisor i konfliktit të armatosur, luftëtarët e huaj të Daesh-it dhe familjet e tyre që kthehen nga Siria dhe gjetkë, dhe sfidat etike, kulturore dhe arsimore të aplikacioneve për gjurmimin e kontakteve, do të jenë temat e tjera të përfshira në agjendë.

Shija e redaktorit

Ermal Panduri tregon se si filloi emisioni “Debat Plus”

Moderatori i emisionit më të shikuar në vend "Debat Plus", Ermal Panduri, ka treguar se ky është emisioni më i shtrenjtë në Kosovë. "Është shumë...

15 operimet më të ndërlikuara në shëndetësi u kryen ditën...

Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka...

Gërvalla viziton Misionin e Përhershëm të Shqipërisë në NATO

Në kuadër të vizitës në NATO, ministres së Punëve të Jashtme dhe Diasporës, Donika Gërvalla dhe delegacionit të Kosovës i është rezervuar një pritje...

Të fundit nga rubrika