Tensionet në veri, reagon Bislimi: Kryetarët në veri mund të rrëzohen me votë

Zëvëndëskryeministri i Kosovës, Besnik Bislimi ka reaguar në lidhje me tensionet e krijuara në veri të Kosovës, duke theksuar se kryetarët e komunave mund të rrëzohen vetëm me vota. Ai gjithashtu ka ftuar qytetarët të japin kohë kryetarëve të sapozgjedhur. Bislimi ka bërë thirrje për siguri dhe qetësi të qytetarëve në veri

Zëvendëskryeministri i Kosovës për Integrim Evropian, Zhvillim dhe Dialog, Besnik Bislimi

Zëvëndëskryeministri Besnik Bislimi ka thënë se kryetarët e komunave në veri të Kosovës mund të rrëzohen vetëm me vota.

Ky reagim i Bislimit vije pas tensioneve në veri të vendit, të protestave të qytetarëve, gjuajtjeve me armë dhe përdorimit të shok-bombave. Bislimi ka deklaruar se kryetarët mund tё ushtrojnё pёrgjegjёsitё e tyre vetёm nga ndёrtesat e komunёs.

“Kryetarёt e komunave tё Leposaviqit, Zubin Potokut dhe Zveçanit qё u betuan dje, e kanё obligim ligjor tё fillojnё punёn menjёherё. Institucionet publike e kanё obligim tё sigurojnё kushtet qё tё njëjtёt tё ushtrojnё detyrat dhe pёrgjegjёsitё e tyre. Si kryetarё tё komunave, ata mund tё ushtrojnё pёrgjegjёsitё e tyre vetёm nga ndёrtesat e komunёs. Tё ardhur me votё, mund edhe tё rrёzohen me votё. Tё pёrzgjedhurit e qytetarёve si rregull rrallëherё gёzojnё mbёshtetjen e secilit qytetar. Por, kjo nuk nёnkupton qё qytetarёt e pakёnaqur mund tё bllokojnё shkuarjen e tё pёrzgjedhurve nё vendet e tyre tё punёs. Njё praktikё e tillё do tё çonte shumё lehtё nё situata absurde ku asnjё kryetar, nё asnjё komunё nuk do tё mund tё ushtronte detyrat e marra ”, ka shkruar ai.l

Tutje, Bislimi ka ftuar qytetarët t’i japin kohë kryetarëve, gjersa këta të fundit i ka uruar për detyrat dhe përgjegjësit.

“Qytetarёt i ftoj qё t’u japin kohё tё sapozgjedhurve tё tregojnё se nё ç’masё i qёndrojnё mbrapa premtimeve tё bёra dhe principeve tё njё qeverisjeje tё drejtё, efikase, transparente, e nё shёrbim tё qytetarit.

Mekanizmat e sigurisё i ftoj qё tё bёjnё maksimumin pёr tё garantuar sigurinё e qytetarёve dhe njё ambient tё qetё pёr tё gjithё.

 

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika