Të shtëna me armë zjarri ka pasur mbrëmjen e së hënës rreth orës 21:20, në rrugën Deçan-Junik, konkretisht në fshatin Voksh.

Lidhur me rastin, detaje për Dukagjinin ka dhënë Policia e Kosovës.

Zëdhënësi Rajonal i Policisë në Pejë, Driton Rugova, ka bërë të ditur se është shtënë me armë zjarri në drejtim të një veture e cila ishte në lëvizje.

Rugova ka theksuar se nga ky rast nuk ka të plagosur.

“Me datë 13.05.2024 rreth orës 21:20, Policia është informuar nga viktima se në rrugën Deçan-Junik në fshatin Voksh, derisa ishte duke qarkulluar në këtë rrugë i njëjti nga person/a, të panjohur është gjuajtur me armë zjarri në drejtim të tij, në veturën e viktimës, janë shkaktuar dëme, por fatmirësisht nuk ka pasur persona të lënduar”, ka thënë Rugova për Dukagjinin.

Ndërkaq, rasti me urdhër të prokurorit të shtetit është cilësuar si “Vrasje në tentativë”.