Dy burra kosovarë kanë pranuar ndihmë mjekësore nga Emergjenca në Kaçanik, njëri i plagosur nga një armë zjarri, gjersa tjetri kishte lëndime trupore.
Sipas raportit 24-orësh të Policisë së Kosovës, në vendin e ngjarjes janë gjetur gëzhoja.
“Raportohet se në emergjencën e Kaçanikut kanë marrë ndihmë mjekësor dy meshkuj kosovarë, njëri kishte plagë nga arma e zjarrit, ndërsa tjetri lëndime trupore. Njësitë policore në vend-ngjarje kanë gjetur dhe konfiskuar tri gëzhoja”, thuhet në raport.
Ngjarja ka ndodhur të premten para mesnatës, përkatësisht në orën 23:24 në rrugën “Ismajl Raka” në Kaçanik.
Bëhet e ditur se rasti është duke u hetuar.