Policia e Kosovës ka njoftuar se një person deri më tani i panjohur, ka shtënë tri herë me armë zjarri në drejtim të një personi tjetër.
Sipas policisë, viktima nuk ka pasur lëndime, teksa është bërë e ditur se në vendin e ngjarjes janë sekuestruar tri gëzhoja.
Ngjarja ka ndodhur në rrugën “Hilmi Rakovica”, në komunën e Prishtinës.
“Viktima mashkull kosovar ka raportuar se një i dyshuar, deri më tani i panjohur, ka shtënë 3 (tre) herë me armë zjarri në drejtim të viktimës, por i njëjti nuk ka pësuar lëndime. Njësitet relevante policore kanë dalë në vendin e ngjarjes ku kanë gjetur dhe sekuestruar 3 (tre) gëzhoja. Në lidhje me rastin është konsultuar prokurori i shtetit, rasti vazhdon të hetohet”, thuhet në njoftim.