Një person është arrestuar, pasi ka tentuar ta godasë një person zyrtar me automjet.

Rasti raportohet të ketë ndodhur në Prizren, të martën e 26 shtatorit.

Në raportin 24-orësh të Policisë së Kosovës thuhet se zyrtarit i është ofruar tretman mjekësor, ndërkaq i dyshuari është dërguar në mbajtje.

“Është arrestuar i dyshuari mashkull kosovar pasi që i njëjti derisa ishte duke drejtuar automjetin-autobus, nuk i është bindur urdhrit të inspektorit komunal të KK-Prizren për t’u ndalur për kontroll dhe të njëjtin ka tentuar ta godas me automjet. Zyrtarit komunal i është ofruar tretman mjekësor, ndërsa i dyshuari pas intervistimit me urdhër të prokurorit është dërguar në mbajtje”, thuhet në raport.

Ky rast, në raportin e policisë është cilësuar si “sulm ndaj personit zyrtar”.