Një tërmet me magnitudë rreth 3.8 është ndjerë mbrëmjen e sotme në disa zona të Shqipërisë së mesme, duke shkaktuar shqetësim te qytetarët në Elbasan, Durrës dhe qytezat përreth.
Sipas informacioneve paraprake, epiqendra e lëkundjeve sizmike ka qenë pranë Peqinit, ndërsa tërmeti është regjistruar në një thellësi prej rreth 5 kilometrash.
Deri më tani nuk raportohet për dëme materiale apo persona të lënduar. Korrespondentët në terren bëjnë të ditur se lëkundjet janë ndjerë qartë nga banorët, por nuk kanë shkaktuar pasoja serioze.
Sipas Qendres Seizmologjike Euro-Mesdhetare lëkundje ka pasur edhe më vonë, por me një magnetudë më të ulët prej 2.5 shkallë.
