Për shkak të tërmeteve që kanë ndodhur në Turqi, presidenti i këtij vend, Rexhep Taip Erdogan, ka shpallur shtatë ditë ditë zie kombëtare.
Erdogan shtoi se flamuri turk do të ulet në gjysmë shtizë deri të dielën e 12 shkurtit, në Turqi dhe në të gjitha përfaqësitë e Turqisë në vendet e tjera.
“Për shkak të tërmeteve të ndodhura në vendin tonë më 6 shkurt 2023, është shpallur zie kombëtare shtatë ditë. Flamuri ynë do të ngrihet në gjysmështizë deri në perëndim të diellit të dielën, 12 shkurt 2023, në të gjitha përfaqësitë e vendit tonë dhe të huaja”, ka shkruar Erdogan.
6 Şubat 2023 tarihinde ülkemizde meydana gelen depremler sebebiyle yedi gün süreyle millî yas ilan edilmiştir. Bütün yurtta ve dış temsilciliklerimizde 12 Şubat 2023 Pazar günü güneşin batışına kadar bayrağımız yarıya çekilecektir. pic.twitter.com/WsXvTpyr6y
— Recep Tayyip Erdoğan (@RTErdogan) February 6, 2023
Një tërmet i fuqishëm me magnitudë 7.8 goditi pjesë të gjera të Turqisë dhe Sirisë, herët të hënën, duke rrëzuar qindra ndërtesa dhe duke lënë të vrarë më shumë se 2,300 njerëz.
Qindra besohet se ende janë të bllokuar nën rrënoja dhe numri pritet të rritet, ndërsa punonjësit e shpëtimit kërkuan nën grumbullime rrënojash në qytete dhe qyteza në të gjithë zonën.