Aktivistja politike dhe ish-deputetja e Kuvendit të Kosovës, Melihate Tërmkolli, ka kritikuar kryeministrin e vendit, Albin Kurtin rreth vendimit për çështjen e targave.
Përmes një postimi Tërmkolli ka thënë se vendimi i kryeministrit e ka lënë Kosovën pa targa dhe pa miq. Tutje, ish-deputetja ka theksuar se Kurti është “as me shehër as me Barilevë”.
“Politika “kreative” e Kryeministrit Kurti “as me sheher as me Barilevë” e lë Kosovën edhe pa targa edhe pa miq!”, ka shkruar Tërmkolli në Facebook.
Në mbledhjen e 103-të, Qeveria e Kosovës ka miratuar një vendim për riregjistrimin e targave ilegale KM, SRB në targa legale RKS.
Qeveria e Kosovës ka vendosur të premten e 28 tetorit të bëjë shkallëzimin e sanksioneve që i presin qytetarët që nuk e respektojnë afatin e vendosur për kthim të targave ilegale në ato RKS deri më 31 tetor.
Tutje, Shtetet e Bahkuara dhe Bashkimi Evropian nuk janë pajtuar me vendimin e kryeministrit Kurti duke shtuar se i refuzoi kërkesat e ndërkombëtarëve.