Të mërkurën, më 26 prill 2023, Paneli i Gjykatës së Apelit ka hedhur poshtë apelet e 20 viktimave kundër vendimit të Panelit të Gjykatës Themelore, me të cilin, u refuzuan kërkesat e tyre për të marrë pjesë në çështjen Thaçi dhe të tjerët.
Megjithatë, paneli i ka lejuar parashtruesit e refuzuar që t’i dorëzojnë sërish kërkesat tyre, nëse paraqesin informacione të reja para trupit gjykues.
Ndryshe, gjykimi ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi, ka filluar më 3 prill në Hagë.
Para trupit gjykues, Thaçi, Veseli, Selimi dhe Krasniqi, janë deklaruar të pafajshëm për akuzat për krime të pretenduara të luftës.
Ata ndodhen në qendrën e paraburgimit në Hagë prej nëntorit të vitit 2020.
Më poshtë mund të lexoni dokumentin e plotë.
- https://repository.scp-ks.org/details.php?doc_id=091ec6e9810ebcb7&doc_type=stl_filing&lang=eng