Thatësira në Afrikën Lindore do të përkeqësohet

Miliona njerëz përballen me uri të madhe në Bririn e Afrikës, pasi thatësira më e keqe në më shumë se 40 vjet mund të shtrihet në sezonin e pestë të dështuar radhazi të shirave, kanë paralajmëruar Kombet e Bashkuara dhe agjencitë humanitare

Thatësira në Afrikën Lindore
Thatësira në Afrikën Lindore

Sezoni i shirave mars-maj duket se do të jetë më i thati i regjistruar, duke shkatërruar jetesën dhe duke thelluar një emergjencë humanitare në Etiopi, Somali dhe pjesë të Kenias, duke përfshirë rrezikun e urisë në Somali, thanë ata në një deklaratë të përbashkët.

Ekziston rreziku që të dështojë edhe sezoni i shirave tetor-dhjetor.

Thatësira është kombinuar me një rritje globale të çmimeve të ushqimeve dhe karburanteve, e shtyrë nga lufta në Ukrainë, duke ndikuar tek miliona njerëz në të gjithë kontinentin.

Rreth 16.7 milionë njerëz aktualisht përballen me pasiguri akute ushqimore në Afrikën Lindore dhe kjo shifër mund të rritet në 20 milionë deri në shtator, thuhet në deklaratë.

Clare Nullis
Clare Nullis

“Kërcënimi i urisë shfaqet në Afrikën Lindore. Kjo është pas katër arsyeve të dështuara me shi. Ne jemi veçanërisht të shqetësuar se situata do të përkeqësohet,” ka thënë Clare Nullis, zëdhënëse e Organizatës Botërore të Meteorologjisë.

Agjencitë e ndihmës po përpiqen të shmangin përsëritjen e një zie buke një dekadë më parë që vrau qindra mijëra njerëz.

“Një shkallëzim i shpejtë i veprimeve është i nevojshëm tani për të shpëtuar jetë dhe për të shmangur urinë dhe vdekjen. Megjithatë, thirrjet aktuale për t’iu përgjigjur thatësirës mbeten të pafinancuara,” thotë ajo.

Miliona bagëti kanë ngordhur në rajon, ndërsa Etiopia, Somalia dhe Kenia gjithashtu kanë regjistruar një numër dukshëm më të lartë të fëmijëve të kequshqyer rëndë të pranuar për trajtim këtë vit në krahasim me vitet e kaluara.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika