Një pjesë muzikore nga kompozitori uellsian Karl Jenkins që nxjerr në pah tmerrin dhe tragjedinë e luftës në Kosovë ka kryesuar sondazhin më të madh vjetor të muzikës klasike në botë.
“The Armed Man: A Mass for Peace”, nga Sir Karl Jenkins, u votua si vepra më e pëlqyer në Classic FM Hall of Fame 2026, shkruan BBC, transmeton Dukagjini.
Kompozitori 82-vjeçar deklaroi se ishte kënaqësi të ishte kompozitori i parë i gjallë që arrin vendin e parë.
Kjo vepër korale, e krijuar në vitin 2000 dhe e dedikuar viktimave të luftës në Kosovë, pasqyron dhimbjen dhe shkatërrimin që konflikti i shkaktuar nga Serbia la pas në Kosovë.
“Në sfondin e ngjarjeve aktuale botërore, mesazhi i saj mbetet jashtëzakonisht i rëndësishëm, duke theksuar tema të qëndrueshme të paqes dhe shpresës për të ardhmen,” tha Jenkins.
Po ashtu është gjithashtu hera e parë që një vepër korale arrin vendin e parë që nga fillimi i sondazhit në vitin 1996.