Me 57 vota për dhe 4 kundër, Kuvendi i Kosovës ka themeluar Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të arsimit fillor dhe arsimit të mesëm të ulët për vitin shkollor 2023/2024.
Kjo temë solli përplasje gjatë ditës në kuvend në mes të deputetëve të opozitës, pozitës dhe ministrave të Qeverisë.
Opozita akuzoi ministren e Arsimit, Arbërie Nagvacin, për keqpërdorime dhe manipulime, gjatë procesit të subvencionit të teksteve dhe mjeteve shkollore.