Dy serbë në veri të Mitrovicës janë lënduar dhe njëri prej tyre ndodhet në tretman mjekësor.
Kështu ka njoftuar ministri i Punëve të Brendshme, Xelal Sveçla, i cili edhe ka bërë të ditur se Policia e Kosovës tashmë ka dyshime për autorin e këtij akti.
Po ashtu, ai ka thënë se i dyshuari është i nacionalitetit serb dhe pjesëtarë të strukturave kriminale paralele në Serbi.
“Sapo jam njoftuar nga Policia e Kosovës se në Mitrovicën e Veriut ka ndodhur një incident me ç’rast dy qytetar të nacionalitetit serb kanë mbetur të plagosur dhe njëri nga ta ndodhet nën tretman mjekësor. Njësitet relevante policore tashmë kanë dyshime të bazuara mbi dorasin e këtij akti i cili është po ashtu i nacionalitetit serb, pjestarë i strukturave paralele kriminale të Serbisë”, ka shkruar Sveçla në rrjetin social Facebook.
Po ashtu, ai ka thënë se njësitet policore do të ndërmarrin të gjitha masat e nevojshme në bazë të kompetencave që kanë në mënyrë që dorasi apo dorasit e këtij sulmi të sillen sa më parë para drejtësisë.