Thesaret e lashta të Algjerisë: Nga Kostandini deri te rrënojat romake të Timgadit

Kostandini, cilësohet një nga qytetet më të vjetra, arktitektura e të cilit ofron një udhëtim nëpër kohë, historia e të cilit mund të lexohet vetëm përmes mbetjeve arkeologjike. Kurse qyteti antik Timgad, shpesh përshkruhet si Pompei i Afrikës

Ilustrim

Kostandini në Algjerinë lindore është një nga qytetet më të vjetra në botë. I njohur si qyteti i ‘urave të varura’ besohet që perandori romak ‘Konstandini i Madh’  ka thënë se ishte i vetmi vend në botë ku njeriu është më i lartë se një shqiponjë.

Arkitektura e këtij qyteti ofron një udhëtim nëpër kohë dhe ndodhet pranë disa prej rrënojave romake më të rëndësishme të Algjerisë.

Në Medinën e gjallë dhe plot ngjyra të Konstandinit, disa prej shtëpive janë mijëra vjeçare.

“Po flasim për një qytet që ishte kryeqyteti i një mbretërie numidiane në fund të mijëvjeçarit të dytë para Krishtit. Fuqia e tij shtrihej nga kufiri aktual maroken deri në kufirin aktual të Libisë,” shpjegon arkeologu vendas, Dr Hocine Taoutaou, raporton euronews.

“Në qytetin e Kostandinit mund të lexohet historia vetëm përmes mbetjeve arkeologjike, banesave, urbanistikës së tij. Gjithçka është aty, gjithçka ruhet,” shton ai.

Perlë e fshehur

Të fshehura larg qytetit të vjetër të gjallë, janë kopshtet e Pallatit Ahmed Beu, një xhevahir i artit arabo-musliman.

Një ekran polikromi 2 mijë metra katror detajon udhëtimet e Ahmed Beut, një figurë e rezistencës kundër kolonializmit francez.

“Pallati u ndërtua në vitin 1826 nga Ahmed Beu, beu i fundit i Bejlikatit të Algjerisë Lindore. Arkitektura është në stilin lokal maure. Ai përmban katër pavijone dhe dy kopshte, kopshtin e palmave dhe kopshtin e portokalleve. “ ka thënë Meriem Kebailia, Drejtoresh e Muzeut Publik Kombëtar të Arteve dhe Shprehjes Kulturore Tradicionale.

Vizitorët e Konstandinit mund të vizitojnë edhe Xhaminë Emir Abdelkader, një kryevepër e arkitekturës islame afrikane me një kapacitet prej 15 mijë banorësh. Minaret e saj janë më shumë se 100 metra të larta.

Ilustrim

Pompei i Afrikës

Në jug të Kostandinit pranë Batna, në malet Aurès, shtrihet qyteti antik Timgad.

Një mrekulli e urbanistikës romake, vendi i UNESCO-s që shpesh përshkruhet si Pompei i Afrikës.

“Këtu, vizitorët mund të shëtisin nëpër kohë. Ata mund të kalojnë nëpër banja termale, bibliotekë, duke arritur në forum. Ata e përjetojnë fjalë për fjalë të kaluarën,” është shprehur Asma Ghenam, Shefja e Trashëgimisë për Drejtorinë e Kulturës në Batna

Shumë objekte dhe mozaikë ruhen ende bukur. Sot, këto mund të gjenden në muzeun e Timgadit, duke ofruar një pasqyrë të mrekullive të këtij qyteti antik, i cili ishte një shtëpi për ushtarët romakë në pension.

“Këtu në forum ka një mbishkrim që përmbledh jetën në Timgad, ku shkruhet “Lavare, Venari, Ludere”. Gjuetia, larja dhe loja. Kjo ishte jeta e mirë për ata që i kishin dhënë Perandorisë Romake”, ka thënë Ghenam.

Kanioni i Ghoufit

Njëqind kilometra më në jug, në portën e Saharasë, është një nga vendet më të bukura turistike të vendit: kanioni madhështor Ghoufi.

Zona ofron pamje mahnitëse të krijuara nga natyra, si dhe qindra shtëpi në shpellë që duket se sfidojnë kohën.

Atletikët mund të shijojnë një shëtitje poshtë kanionit, përgjatë një lumi të mbushur me pemë frutore, dikur i kultivuar nga popullsia vendase.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika