Tifozi i zjarrtë i Juventusit, nuk e ka përcjellur vetëm një sezon të klubit për një arsye interesante!

Ndeshja e parë e rëndësishme që i ka mbetur në kujtesë tifozit bardhezi është fitorja në finalen e Ligës së Kampionëve në sezonin 96/97. Tifozi Gashi tregon arsyjen e dashurisë ndaj Juventusit

Gazmend Gashi (majtas), Ndrec Gjonaj (në mes) dhe Burim Sejdiu (djathtas)

Gjiganti italian, Juventus ka fansa gjithandej botës, e gjithsesi edhe në Kosovë.

Gazmend Gashi është një nga fansat më të zjarrtë kosovarë të skuadrës italiane Juventus.

Ai i ftuar në emisionin “Pasdita Sportive”, me Ndrec Gjonaj dhe Burim Sejdiu në Radio Dukagjini ka deklaruar se që nga mosha 8 vjeç luan futboll, teksa që nga mosha 10 vjeç, në vitin 1993 është fans i Juventusit.

Si arsye që e ka shtyer të dashurohet në këtë klub, Gashi e përmend legjenden italiane të futbollit Alessandro Del Piero, i cili për shumë vite ka qenë futbollist i “Zonjës së Vjetër”, dhe mbetet ikonë e këtij klubi.

Disa nga futbollistët tjerë të preferuar të asaj kohe që Gashi i veçon janë edhe Roberto Baggio e Fabrizio Ravanelli.

Ndeshja e parë e rëndësishme që i ka mbetur në kujtesë tifozit bardhezi është fitorja në finalen e Ligës së Kampionëve në sezonin 96/97.

Si rival të përjetshëm e më të urryer Gashi thotë se e kanë, megjithëse viteve të fundit është qetësuar pak ky rivalitet, marrë parasysh edhe rënien e kualitetit tek skuadra e Fiorentinës.

Gashi deklaron se në këto gati 3 dekada që është fans i Juventusit, përfshirë edhe kohën kur Juventus si pasojë e dënimit kishte rënë në Serie B, vetëm një sezon nuk i ka përcjellur ndeshjet e skuadrës.

Këtë thotë se e ka bërë qëllimshëm në vitin kur në skuadër luante futbollisti serb nga Mitrovica e Veriut, Milosh Krasic.

Skuadra e Juventusit e vitit 2006 sipas Gashit ishte skuadra më e mirë në botë asokohe. Dhe ai vlerëson futbollistë të kësaj periudhe që nuk e lanë Juventusin edhe pse kishte rënie në ligën e dytë të futbollit Italian.

Si 5 futbollistët më besnikë të skuadrës, Gashi i veçon Gianluiggi Buffon, Alessandro Del Piero, Pavel Nedved, Mauro Camoranesi dhe Giorgio Chiellini.

Fansi juventin beson që Juventusi është këtë vit është pretendent për kampion të Italisë, pasi një skuadër aq e madhe sa Juventusi është pretendent çdo vit për këtë titull.

Shija e redaktorit

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Rama e quan “hap historik” votimin Pro anëtarësimit të Kosovës...

Kryeministri i Shqipërisë, Edi Rama, e ka konsideruar si hap historik votimin e Asamblesë Parlamentare të Këshillit të Evropës(KiE) që i hap rrugë anëtarësimit...

Kurti: Me Kosovën aty, KiE fiton një demokraci të re...

Kryeministri i Kosovës, Albin Kurti, ka reaguar pasi Asambleja Parlamentare e Këshilli të Evropës ka votuar “për” anëtarësimin e Kosovës në këtë organizatë. Përmes një...

Të fundit nga rubrika