TikTok-u përditëson doracakun për përmbajtje teksa i rritet presioni nga Perëndimi

TikTok ka nxjerrë rregulla dhe standarde të përditësuara për përmbajtjen dhe përdoruesit, pasi përballet me presion në rritje nga autoritetet perëndimore lidhur me shqetësimet se materiali në aplikacion për ndarjen e videove në pronësi kineze mund të përdoret për të nxitur informacione të rreme

TikTok, 20.12.2022

Gjiganti teknologjik kinez, TikTok, e ka përditësuar doracakun për përmbajtje, teksa i rritet presioni nga autoritetet perëndimore, të cilat janë të shqetësuara se ky aplikacion mund të përdoret për të shpërndarë informacion të rremë.

Ky aplikacion i formatit me video të shkurtra është në pronësi të kompanisë kineze, ByteDance.

“Parimet janë të bazuara në përkushtimin tonë për të respektuar të drejtat e njeriut, në përputhje me doracakun ligjor ndërkombëtar”, ka thënë Julie de Bailliencourt, udhëheqëse e politikës së TikTok-ut për produktet që ka.

Ajo ka thënë se TikTok-u synon të jetë i drejtë, të mbrojë dinjitetin njerëzor dhe të balancojë lirinë e shprehjes, duke e parandaluar dëmin.

Ky aplikacion kinez është duke u kritikuar në Shtetet e Bashkuara, Evropë dhe Azi-Paqësor, pasi shumë qeveri e kanë ndaluar përdorimin e TikTok-ut në pajisje qeveritare, për shkak të rreziqeve potenciale kibernetike dhe atyre të lidhura me dezinformim.

Deri më tani nuk ka të dhëna se diçka e ngjashme ka ndodhur në TikTok, dhe as që aplikacioni i ka ndarë të dhënat me Qeverinë kineze, siç disa kritikë mendojnë se mund të ndodhë.

Shefi i TikTok-ut, Shou Zi Chew, pritet të paraqitet para Kongresit amerikan të enjten, ku do të merret në pyetje për praktikat e TikTok-ut dhe lidhjet me Qeverinë kineze.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika