Tirana sot mbledh ministrat e Jashtëm të vendeve të Procesit të Berlinit

Në këtë takim, temat kyçe përfshijnë integrimin evropian të vendeve të Ballkanit Perëndimor në BE, forcimin e bashkëpunimit rajonal, krijimin e një regjioni të përbashkët dhe thellimin e marrëdhënieve në mes të shteteve të rajonit. Situata në mes të Serbisë dhe Kosovës pritet të jetë një pikë me fokus të veçantë e diskutimit

Tirana mirëpret sot ministrat e Jashtëm të Bashkimit Evropian dhe të Ballkanit Perëndimor, për takimin që do të mbahet në kuadër të Samitit të Berlinit.

Në takimin e sotëm, do të jenë të pranishëm, gjithashtu, edhe komisioneri për Zgjerim i KE-së, përfaqësuesja e EAS, ministrat e Jashtëm të Kosovës, të Malit të Zi, të Maqedonisë së Veriut, të Serbisë dhe të Bosnjë Hercegovinës, si dhe të vendeve anëtare të Procesit të Berlinit si Gjermania, Austria, Greqia, Hungaria e të tjerë.

 

Ndërsa, sikurse u njoftua një ditë më parë nga MEPJ-ja, temat kyçe të cilat do të marrin vëmendje në këtë Ministerial do të jenë integrimi evropian i Ballkanit Perëndimor në Bashkimin Evropian, forcimi i dimensionit rajonal, tregu i përbashkët rajonal e përforcimi i marrëdhënieve në mes të shteteve.

Pas përfundimit të takimit, ministri Hasani, ministrja e Jashtme gjermane dhe komisioneri për zgjerim i KE-së, do të mbajnë një konferencë të përbashkët për shtyp, ku mësohet se situata në mes të Kosovës dhe Serbisë do të jetë në qendër të fjalimit të tyre.

Ndryshe, Samiti i Procesit të Berlinit pritet të mbahet më 16 tetor në Tiranë.

Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të këtij rajoni në Bashkimin Evropian.

Procesi i Berlinit u prezantua më 28 gusht 2014 nga kancelarja gjermane Angela Merkel.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika