Tottenham Hotspur mund Leicester City-n

Tottenham Hotspur mund Leicester City-n me rezultat 3-1

Menaxheri i Tottenhamit, Antonio Conte, ka thënë se “askush nuk mund ta imagjinonte” se skuadra e tij do të ishte ende në garë për kualifikimin në Ligën e Kampionëve kur ai mbërriti në nëntor.

Son Heung-min ka shënuar dy herë dhe Harry Kane rizbuloi prekjen e tij para portës, gjersa Tottenham Hotspur mposhti Leicesterin për të rritur shpresat e tyre për një përfundim në top katërshe të Premier League.

Tottenham u zhvendos për një kohë të shkurtër në vendin e katërt me fitoren, por fqinjët Arsenal e rifituan vendin duke mundur West Ham, më vonë të dielën.

“Ishte jetike për të marrë tri pikë. Kishte shumë presion, por unë u thashë lojtarëve të mi që ta shijonin këtë moment sepse e merituam, pas një pune vërtet të madhe që bëmë në këta gjashtë muaj,” tha Conte, i cili iu bashkua Spurs.

“Askush nuk mund ta imagjinonte kur mbërrita në nëntor, ne mund të ishim ende në këtë garë, por këta lojtarë meritojnë të luftojnë për një vend kaq të rëndësishëm. Nuk është e lehtë të kualifikohesh në Ligën e Kampionëve në Angli”, shtoi ai.

 

Kelechi Iheanacho i Leicester shënoi një ngushëllim me një goditje të mprehtë.

Trajneri i Leicesterit, Brendan Rodgers bëri tetë ndryshime në 11-shen e tij fillestare, me ndeshjen që do të vinte në mes të gjysmëfinales së tyre në Europa Conference League kundër Romës.

Dhelprat mbeten në vendin e 11-të në tabelën e Premier League, që do të thotë se fitimi i kompeticionit të tretë evropian për klube duket se është rruga e tyre e vetme reale drejt aksionit kontinental sezonin e ardhshëm.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika