Në emisionin “Dueli Sportiv” analisti i rregullt Afrim Tovërlani e ka lavdëruar projektin e Federatës së Futbollit të Kosovës për nisjen e Ligës U 21 që nga sezoni i ardhshëm, teksa përmendi se në Kosovë nuk ka akademi të futbollit – me kuptimin e plotë të fjalës.
Ai tha fillimisht se “më mirë është me investua 70 ose 80 mijë euro dhe e kryen kampionatit me ata U 21 për një vjet, se sa me inevestu në disa futbollista që kanë pasë kontrata nga 90 ose 100 mijë euro dhe nuk tregu asgjë”.
Ai po ashtu shtoi “unë mendoj që është vendim shumë i qëlluar. Qaq shumë kemi shkolla private, në Kosovë nuk ka akademi të futbollit, në Kosovë nuk ka të tilla. Ka kaq shumë shkolla private të futbollit që i mbajnë deri në junior”.
“Dueli Sportiv” do të vazhdojë çdo të diele, me fillim nga ora 22-00. Përveç diskutimeve për futbollin vendor, në vazhdim do të ketë edhe shumë gjëra tjera nga bota e sportit.