Në emisionin “Dueli Botëror” në RTV Dukagjini, trajneri i njohur Afrim Tovërlani ka folur për diskutimet se “a do të dënohet Granit Xhaka”.
Tovërlani, fillimisht tha se “nuk besoj që do të dënohet Graniti, është ndoshta sa me i zbut pak dhimtën fqinjëve. Sepse, nëse ka diçka me u hetu duhet në taborin e tyre. Duke filluar nga flamuri, sjellja e trajnerit dhe e futbollistëve në fushë”.
Ai po ashtu shtoi “nuk po ma merr mendja që ka diçka me dënu Granitin. Përkundrazi, mendoj që FIFA duhet me i dhonë fair-play Xhakës për sjelljën dhe durimin që ka tregu gjatë tërë kohës, sepse po të kishte reagu ai ndeshje do e kishte marrë një kahje krejtë tjetër”.
Kjo është nata e 15-të e emisionit “Dueli Botëror” i cili do zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.