I ftuar në emisionin “Dueli Botëror” , trajneri i njohur në RTV Dukagjini nuk ka kursyer kritikat për Cristiano Ronaldon.
Ai tha se “Ronaldo është bërë një lloj barre edhe për Portugalinë. Edhe pse mendoj që Manchester United nuk janë sjellë mirë, ky secilën herë po bëhet më arrogant se sa duhet”.
Tovërlani po ashtu shtoi se “kur po është Ronaldo në lojë – nuk po është as loja e Portugalisë më e mira. E humb topin, nuk kthehet prapa, ka arrogancë. Ai e ka mbërri zenitin, nuk mundet më tepërt”.
Kjo është nata e 18- të e emisionit “Dueli Botëror” i cili do zgjasë deri në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.