Kompania e transportit “Trafiku Urban”, me rastin e festës së Halloweenit, ka bërë apel për prindërit që fëmijët e tyre të mos hedhin vezë apo gjësende të tjera në drejtim të autobusëve.
“Sot, me rastin e Halloween, ju lutemi të kujdeseni që fëmijët tuaj të mos godasin me vezë apo gjësende të tjera autobusët, pasi kjo mund të rrezikojë udhëtarët dhe sigurinë në rrugë në përgjithësi”, thuhet në njoftimin e “Trafikut Urban” në Facebook.
Në të kundërtën thuhet se ndërmarrja do t’i përdorë kamerat e vendosura në autobusë dhe në bashkëpunim me institucionet e rendit do të sigurohet që ata që e dëmtojnë pronën të ndëshkohen.
“Për ne siguria e të gjithë udhëtarëve është prioritet”, thuhet tutje.