Tetë persona kanë humbur jetën pasi një avion charter u rrëzua pranë një zone të largët radarësh në Alaskën perëndimore.
Sipas autoriteteve amerikane, në avion ndodheshin dy pilotë dhe gjashtë pasagjerë, ndërsa aksidenti ndodhi të enjten gjatë afrimit për ulje në aeroportin e Cape Newenham, rreth 725 kilometra në perëndim të Anchorage, raporton CNN përcjell Dukagjini.
Avioni ishte nisur nga Anchorage dhe po kryente një fluturim të kontraktuar drejt zonës ku ndodhet një stacion radarësh që përdoret për monitorimin e hapësirës ajrore të Alaskës dhe kufijve të saj.
Autoritetet amerikane kanë nisur hetimet për të përcaktuar shkaqet e rrëzimit.