Trajneri i Portugalisë thotë se roli i Ronaldos ‘do të përcaktohet’ pas largimit të tij

Cristiano Ronaldo ishte në bankën rezervë për fitoren e Portugalisë ndaj Zvicrës, zëvendësuesi i tij Goncalo Ramos shënoi një hat-trick në fitoren 6-1. Por, Ronaldo nuk e shijoi të gjithë ndeshjen nga fusha, pasi hyri në lojë si zëvendësues në minutën e 74-të

Pamje nga ndeshja e fundit e Portugalis, Cristiano Ronaldo në bankën rezervë





Roli i sulmuesit portugez, Cristiano Ronaldo, për pjesën e mbetur të Kupës së Botës është diçka që duhet të “përcaktohet”, kshtu është shprehur trajneri i Portugalisë, Fernando Santos, pasi hoqi dorë nga kapitenin e tij për fitoren e tyre të bindshme në fazën eliminuese kundër Zvicrës.

37-vjeçari u pa nga pankina ndërsa zëvendësuesi i tij Goncalo Ramos shënoi një hat-trick në fitoren 6-1 ndaj Zvicrës, për të vendosur një çerekfinale kundër Marokut.

Ronaldo, i cili nuk startoi në një turne të madh për herë të parë që nga Euro 2008, u fut në lojë si zëvendësues në minutën e 74-të me Portugalinë 5-1 në avantazh.

Ronaldo u largua nga Manchester United muajin e kaluar dhe herë pas here ka hedhur hije mbi skuadrën e tij në Katar, ku trajneri i tij shprehu pakënaqësi për reagimin e tij ndaj zëvendësimit kundër Koresë së Jugut.

Fernando Santos, trajneri i Portugalisë

I pyetur për Ronaldon pas fitores së Zvicrës, Santos ka thënë: “Kjo është ende diçka që duhet përcaktuar”.

“Kam një marrëdhënie shumë të ngushtë me të – kam pasur gjithmonë, e kam njohur që në moshën 19-vjeçare. Kjo marrëdhënie zhvillohet vet, Ronaldo dhe unë kurrë nuk e interpretojmë aspektin njerëzor të trajnerit dhe lojtarit në lidhje me atë që duhet të bëjmë gjatë ndeshjes”, ka deklaruar ai.

“Gjithmonë do të konsideroj në rolin tim se ai është një lojtar i rëndësishëm për të pasur në skuadër”, ka thënë tutje Santos.

I pyetur drejtpërdrejt nëse Ronaldo do të luante kundër Marokut, Santos u përgjigj me zemërim: “Ronaldo patjetër (do të përfshihet), të gjithë lojtarët në pankinë mund të përdoren, nëse nuk janë në formacionin fillestar, ata mund të luajnë më vonë.

Cristiano Ronaldo inkurajon bashkëlojtarët e tij të Portugalisë nga pankina

“Është e rëndësishme të shikojmë shembullin e historisë së këtij lojtari, ai është një nga lojtarët më të mirë në botë për të luajtur profesionalisht, duke qenë kapiten – gjithçka që duhet të bëjmë është të mendojmë për këtë ekip kolektivisht”.

Ronaldo kaloi nëpër zonën e intervistës pas ndeshjes me një buzëqeshje të madhe në fytyrë, duke iu përgjigjur vetëm një pyetjeje: A ishte i lumtur? “Sigurisht, sigurisht”, është shprehur ai duke buzëqeshur. “Portugalia fitoi.”

Ndërkaq, zëvendësuesi i Ronaldos, Ramos thotë se ish-sulmuesi i Real Madridit mbetet “lideri” i skuadrës.

“Cristiano Ronaldo flet me mua dhe me të gjithë në ekip. Ai është lideri ynë dhe gjithmonë përpiqet të ndihmojë. Nuk e di nëse do të filloj ndeshjen tjetër, kjo varet nga trajneri, duhet të punoj sa më shumë që të mundem dhe pastaj do të shohim”, është shprehur 21-vjeçari.





Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

“Takimi sekret” Kosovë-Serbi në Zvicër, u mbajt një javë pas...

Përfaqësuesit kosovarë dhe ata serbë kanë zhvilluar “takime sekrete” në Zvicër, lidhur me situatën mes të dyja vendeve. Kështu ka raportuar ditë më parë mediumi...

I shpallur në kërkim ndërkombëtar nga Gjermania, 25-vjeçari nga Kosova...

Një 25-vjeçar nga Kosova është ndaluar në Morinë, pasi ishte shpallur në kërkim ndërkombëtar nga Gjermania. Policia njofton se i riu me inicialet J. D,...

Të fundit nga rubrika