Gazetari dhe njohësi i politikës në Kosovë dhe Shqipëri, Mero Baze, ka thënë se grupi i vetëm që në mënyrë zyrtare në Shqipëri ka mbajtur stërvitje ushtarake ka qenë ai i Sali Çekut.
“Qeveria shqiptare e ka pasur vetëm një marrëveshje formale me Kosovën, të cilën nuk e kishte presidenti por, vetëm Ministria e Mbrojtjes së Shqipërisë, pasi që atë(marrëveshjen) nuk kanë dashur që ta implikojnë në nivele të larta shtetërore”.
Sipas tij, kjo marrëveshje ishte bërë me kërkesë të Lidhjes Demokratike të Kosovës(LDK), në vitin 1991, në kohën kur Shqipëria kishte një qeveri të përbashkët në mes demokratëve dhe socialistëve e cila ishte drejtuar nga Ylli Bufi dhe zëvendëskryeministri, Gramos Pashko, ndërsa President ishte Ramiz Alia.
“Formalisht është një marrëveshje në mes të Shkollës së bashkuar të oficerëve dhe një grupi prej 60 djemsh nga Kosova, të cilët kishin komandant, drejtues të grupit, Sali Çekun. Ekziston lista”, ka thënë ai.
Më tej Baze ka theksuar se për shkak të ndërkombëtarëve është mbajtur vetëm një muaj dhe janë ndërpre trajnimet ushtarake të grupit të Sali Çekut.
“Paralel me këto ishin Grupet e Adem Jasharit edhe Zahir Pajazitit”, duke shtuar se këta nuk kanë pasur nevojë që të stërviten më shumë, kanë qenë për furnizim me armë.