Tre muaj suspendim me 50 për qind të pagës, ndaj kirurgut që sulmoi kolegun e tij

Për tre muaj me 50 për qind të pagës, është suspenduar kirurgu Luan Mustafa, i cili dyshohet se ka sulmuar kolegun e tij, kirurgun Arbër Morina

Kirurgu Luan Mustafa është suspenduar për tre muaj me 50 për qind të pagës, për shkak se dyshohet se ka sulmuar kolegun e tij, kirurgun Arbër Morina.

Kështu ka bërë të ditur për RTV Dukagjini, Arsim Emini, drejtor i përgjithshëm i Spitalit të Gjilanit.

“Komisioni disiplinor, për shkak të ndjeshmërisë së rastit, ka marrë vendim për masë të përkohshme, suspendim nga puna për 3 muaj me 50% pagesë deri në vendimin e plotfuqishëm, i cili do të merret pas shqyrtimit detal të rastit”, tha Emini.

Viktima ka pësuar lëndime të lehta trupore dhe ka pranuar trajtim mjekësor.

Këtë e ka konfirmuar Ismet Hashani, zëdhënës i Policisë së Kosovës për rajonin e Gjilanit.

“Ankuesi (sh/k/m 1978), i cili punon mjek në Spitalin Regjional në Gjilan, derisa ishte në zyrën e tij te reparti i Kirurgjisë, është sulmuar fizikisht nga kolegu i tij i dyshuari L. M., duke pësuar lëndim të lehtë trupor dhe ka pranuar tretman mjekësor”, tha Hashani.

Sipas tij, i dyshuari është larguar nga vendngjarja, ndërsa me vendim të prokurorit të shtetit i njëjti më pas është dërguar për 48 orë në mbajtje.

Rasti është cilësuar si “Lëndim i lehtë trupor” dhe po hetohet nga stacioni policor në Gjilan.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika